Hemilton məşqlərin çətinliyindən danışdı

“Mersedes”in pilotu Lyuis Hemilton “Formula-1”in yeni mövsümünün hazırlıqlarından danışıb.

Futbolxeber.az saytının xarici KİV-ə istinadən verdiyi məlumata görə, britaniyalı avtoyürüşçü ilkgünkü məşqlərdən sonra ağrılarının olduğunu bildirib:

“Sükanın arxasına keçdim və Heres trassında təxminən 160 dövrə vurdum. Təəssüratlarım yaxşıdı. Müəyyən fasilədən sonra həmişə belə olur: ilk gün bir qədər beldə və boyunda ağrı hiss edirsən. Lakin sonradan yüklənmələrə alışırsan. Ümid edirəm ki, bu mövsüm maşınımız daha sürətli olacaq. İstənilən halda fikrini yayındırmamalı, konsentrasiyanı qorumalı və komanda işindən zövq almalısan”.

Xatırladaq ki, “Formula-1” üzrə 74-cü dünya çempionatı martın 5-də Bəhreyndə start götürəcək. 23 mərhələdən ibarət yarışa noyabrın 26-da Abu-Dabidə yekun vurulacaq. Dünya çempionatının 4-cü mərhələsi olan Bakı Qran Prisi isə aprelin 30-da keçiriləcək.