“Soçi”dən tarixi antirekord

Kontinental Hokkey Liqasında (KHL) mübarizə aparan “Soçi” klubun antirekorda imza atıb.

Futbolxeber.az saytının Rusiya mətbuatına istinadən verdiyi məlumata görə, bu gün çempionatın növbəti oyunu çərçivəsində Dmitri Kokorevin komandası “Traktor”a 0:5 uduzub. Bununla da “Soçi” cari mövsüm 63 oyunda qapısında 237 şayba görüb. Bu isə KHL tarixində antirekorddur. Buna qədər heç bir komandanın qapısına rəqiblər bu qədər yola tapa bilməmişdilər.

Qeyd edək ki, 63 oyundan sonra hesabında 25 xal olan “Soçi” Qərb konferensiyasında 11-ci pillədə qərarlaşıb.