Oberq karyerasının ikinci dünya çempionluğunu şərh etdi

İsveçli biatlonçu Hanna Oberq Oberhafda keçirilən dünya çempionatının qalibi olması haqda danışıb.

Futbolxeber.az saytının xarici KİV-ə istinadən verdiyi məlumata görə, 28 yaşlı idmançı yarışın gedişində çətinliklə üzləşdiyi zaman belə, özünəinamını itirmədiyini bildirib:  

“Əvvəldən də yarışın keçəcəyi məlum idi. Yürüş boyu konsentrasiyamı qorumağa çalışırdım. İlk atış zamanı hədəfə tam düşməsəm də, özümə çox güvənirdim. Yekunda istəyimə çatdım. İndi elə təəssürat yaranıb ki, sanki mümkünsüz bir şeyi həyata keçirmişəm. Baş verənləri dərk etmək üçün bir qədər zamana ehtiyacım var. İlk 2 yeri isveçli idmançıların tutması da çox xoşdu. Axşam qələbəmizi tortla qeyd etdik”.

Qeyd edək ki, karyerası ərzində ikinci dəfə planetin ən yaxşısı olan Oberq ümumilikdə dünya çempionatları tarixində qazandığı medalların sayını 9-a çatdırıb. 27 yaşlı idmançı 2 çempionluqla yanaşı, dünya çempionatında 3 dəfə gümüş, 4 dəfə bürünc medal qazanıb.