“Olimpiadada iştirakla bağlı qərarı təşkilatçı ölkə yox, BOK verir”

Beynəlxalq Olimpiya Komitəsi (BOK) bəzi ölkələrin Rusiya və Belarusdan olan idmançıların gələn il Parisdə keçirilən olimpiadada iştirakına icazə verilməməsi ilə bağlı istəyinə münasibət bildirib.

Futbolxeber.az saytının xarici KİV-ə istinadən verdiyi məlumata görə, BOK-un açıqlamasında təşkilatçı ölkənin bu barədə qərar qəbul etmək ixtiyarının olmadığı qeyd olunub:

“Bəzi ölkələrin çağırışları haqda məlumatlıyıq. Xüsusən də Baltikyanı ölkələrin narahatçılığı başadüşüləndir. Lakin təəssüf ki, onlar bu problemi qaldırarkən insan haqları barədə düşünməyiblər. Hazırda bizim cavabımız yoxdu. Bu məsələyə çox ciddi yanaşılmalıdı. Həm də unutmaq olmaz ki, Olimpiadada iştirakla bağlı qərarı təşkilatçı ölkə yox, BOK verir. Biz idmanın missiyasına ən uyğun variantı axtarırıq”.