“Yeni avtomobilin nəyə qadir olduğunu görmək üçün həyəcanlanıram”

“Mersedes”in pilotu Luis Hemilton yeni mövsümün startını səbirsizliklə gözləyir.

Futbolxeber.az saytının xarici KİV-ə istinadən verdiyi məlumata görə, britaniyalı avtoyürüşçü yeni avtomobili sınaqdan keçirmək üçün həyəcanlandığını bildirib:

“İndi mövsümün ən həyəcanlı dövrüdü. Ötən həftəni komandanın bazasında keçirdim. Bütün xırda elementlərin bir yerə toplanmasını izləmək çox xoş idi. Mühəndislər əla iş gördülər. Yeni avtomobilin nəyə qadir olduğunu görmək üçün həyəcanlanıram”.

Hemilton “Mersedes”in uğurları üçün çalışmaqdan şərəf duyduğunu qeyd edib:

“Bir anlıq düşünün: dünyada 8 milyarda yaxın insandan yalnız 20-si “Formula-1”də mübarizə aparmaq imkanı qazanır. Həmin 20 nəfərdən isə yalnız mən və Rassel bu möhtəşəm bolidləri idarə edirik. Bu, həqiqətən də böyük şərəfdi”.