“Boston” NHL-in rekordunu təkrarladı

Milli Hokkey Liqasının (NHL) növbəti turu çərçivəsində “Boston” over taymda “Dallas” üzərində 3:2 hesablı qələbə qazanıb.

Futbolxeber.az saytının xarici KİV-ə istinadən verdiyi məlumata görə, bu qələbə “Bruyins” üçün əlamətdar olub.

Belə ki, cari mövsüm 53-cü oyunda 40-cı qələbəsini qazanan “Boston” NHL-in rekordunu təkrarlayıb. Cimmi Montqomerinin yetirmələri 40 qələbə sayına minimal oyunda çatan ikinci komanda olub. Buna qədər 40 qələbəyə 53 matçda nail olan yalnız “Vaşinqton” olub. Paytaxt klubu 2015/16 mövsümündə bu nəticəyə imza atıb.

Qeyd edək ki, “Boston” hazırda 85 xalla turnir cədvəlində liderdi.