Kadırov Maxaçevi təbrik etdi: “Sən ən yaxşısan”

Çeçenistan prezidenti Ramzan Kadırov UFC döyüşçüsü İslam Maxaçevin yüngül çəkidə Aleks Volkanovskiyə qarşı titulunu qorumaq uğrunda keçirdi döyüşü şərh edib.

Futbolxeber.az saytının Rusiya mətbuatına istinadən verdiyi məlumata görə, Kadırov sosial şəbəkədə hesabında etdiyi paylaşımda rusiyalı döyüşçünün layiqli qələbə qazandığını bildirib:

“İnamlı qələbə münasibəti ilə İslam Maxaçevi təbrik edirəm. Onunla tanışam. Əminliklə söyləyə bilərəm ki, İslam alicənab insandı. Onunla ünsiyyətdə olmaq çox maraqlıdı. Əsl idmançı məhz bu cür olmalıdı.

Mənim bütün döyüşçülərlə yaxşı münasibətim var. Buna görə də mən onların qələbələrinə ürəkdən sevinirəm.

Şübhəsiz, biz çox maraqlı döyüş izlədik. Maxaçevin qələbəsi tam layiqli idi. Əminəm ki, o, gələcəkdə də bizi uğurları ilə sevindirməyə davam edəcək. Qardaş, sən ən yaxşısan”.