Lekler: “Ferrani”nin məqsədi çempionluqdu”

“Ferrani”nin pilotu Şarl Lekler yeni mövsüm barədə fikirlərini açıqlayıb.

Futbolxeber.az saytının xarici KİV-ə istinadən verdiyi məlumata görə, monakolu pilot məqsədlərinin çempionluq olduğunu qeyd edib:

“Biz artırmaq istəyirik. Ötən il irəliyə doğru böyük addım atmışdıq. Bu dəfə isə başladığımız işi davam etdirməliyik. Mövsümün sonunda çempionluğu qazanmağı hədəfləyirik. Komandanın məqsədi belədi: mümkün olduğu qədər çox yarış qazanmaq, ilk mərhələdən son mərhələyə qədər stabil çıxış etmək və titul qazanmaq”.

Qeyd edək ki, ötən il Lekler yalnız “Red Bull”lu Maks Ferstappendən geri qalaraq ikinci yeri tutmuşdu.

Əlavə edək ki, “Formula-1” üzrə 74-cü dünya çempionatı martın 5-də Bəhreyndə start götürəcək. 23 mərhələdən ibarət yarışa noyabrın 26-da Abu-Dabidə yekun vurulacaq. Dünya çempionatının 4-cü mərhələsi olan Bakı Qran Prisi isə aprelin 30-da keçiriləcək.