“San Antonio” antirekordunu təkrarladı

Milli Basketbol Assosiasiyasının növbəti turu çərçivəsində “San Antonio” səfərdə “Klivlend”ə uduzub - 109:117.

Futbolxeber.az saytının xarici KİV-ə istinadən verdiyi məlumata görə, ardıcıl 13 oyunda uduzmaqla “San Antonio” antirekordunu təkrarlayıb. Uğursuz seriya yanvarın 20-də start götürüb. Həmin gün “Spörs” səfərdə “Klippers”ə uduzub.

Bundan öncə “San Antonio” 1988/89 mövsümündə ardıcıl 13 görüşdə uduzmuşdu. Maraqlıdı ki, 34 il əvvəl də “Spörs” 13-cü məğlubiyyətini “Klivlend”dən almışdı (2 mart, 1989-cu il).

Qeyd edək ki, texaslılar hazırda Qərb konfransında 14-cü yerdə gedir.