Tokio: Sonuncu kişi cüdoçumuz da medal qazana bilmədi

Azərbaycan cüdoçusu Uşangi Kokauri Tokio-2020 Yay Olimpiya Oyunlarında mübarizəyə başlayıb.

Futbolxeber.az saytının məlumatına görə, +100 kq-dan yuxarı çəki dərəcəsində çıxış edən idmançı 1/16 finalda Polşa təmsilçisi Matsey Sarnaçki ilə üz-üzə gəlib.

Rəqibinə ipponla qalib gələn Kokauri 1/8 finala yüksəlib.

O, bu raundda braziliyalı Rafael Silva ilə üz-üzə gəlib. Görüşün əsas vaxtın qalib müəyyənləşməyib. Qızıl xal bölümündə rəqibinə vazari ilə uduzan Kokauri olimpiada ilə vidalaşıb. Bununla da 7 kişi cüdoçumuzdan heç biri Tokioda medal qazana bilməyib.

Xatırladaq ki, daha əvvəl Aişə Qurbanlı (48 kq.), Kəramət Hüseynov (60 kq.), Orxan Səfərov (66 kq.), Rüstəm Orucov (73 kq.), Murad Fətiyev (81 kq), Məmmədəli Mehdiyev (90 kq) və Zelim Kotsoyev (100 kq) də yarışı medalsız başa vurublar.