“Qəbələ” üçün 6 medal

Gənc cüdoçular arasında Azərbaycan birinciliyinə yekun vurulub. 

 

Futbolxeber.az-ın məlumatına görə, iki gün davam edən yarışda “Qəbələ” İdman Klubunun təmsilçiləri də çıxış edib. “Qırmızı-qaralar”ən idmançıları birinciliyi 6 medalla başa vurublar. 

 

55 kq çəki dərəcəsində iki qəbələli idmançı fəxri kürsüyə yüksəlib. Rövşən Əliyev 1-ci, Nurlan Osmanov 3-cü yeri tutub. Finala qədər irəliləyən İsmayıl İbrahimov 66 kq, Hasil Cəfərov isə 73 kq çəki dərəcəsində gümüş mükafatçı olub. Şimal təmsilçisinin daha iki idmançısı medalçılar sırasına düşə bilib. İmran Yusifov 100 kq, Vüsal Orucov +100 kq çəki dərəcəsində 3-cü yeri tutub. Hesabında 1 qızıl, 2 gümüş, 3 bürünc medal olan “Qəbələ” komanda hesabında 18 xalla 3-cü olub.