Azərbaycanlı cüdoçu Afrikada bürünc medal qazandı

Port-Lui şəhərində keçirilən Afrika açıq çempionatının birinci günündə Azərbaycanın 6 cüdoçusu mübarizə apararıb. Futbolxeber.az-a Cüdo Federasiyasının mətbhuat xidmkətindən verilən məlumata görə, qadın cüdoçularımızdan Ayşə Qurbanlının çıxışı uğurlu alınıb. 48 kq çəki dərəcəsində mübarizə aparan cüdoçumuz ilk olaraq evsahibi Letisiya Lumelonu və daha sonra avstraliyalı Xloe Rayneri məğlub edib. Yarımfinal qarşılaşmasında isə Qurbanlı ekvadorlu cüdoçu Diana Kobosa uduzaraq bürünc uğrunda mübarizəyə qoşulub. Ayşə Qurbanlı bu mərhələdə Amerika idmançısı Ketelin Boysa qalib gələrək bürünc medala sahib çıxıb.

60 kq çəki dərəcəsində yarışan cüdoçumuz Oruc Vəlizadə isə 1/4 finala yüksələ bilib, lakin o, italiyalı Karmin de Lorentoya məğlub olaraq təsəlliverici görüşə çıxıb. Avstriya təmsilçisi Lyudoviq Payşerə uduzan Vəlizadə 7-ci yerlə kifayətlənməli olub.

Qeyd edək ki, turnirdə iştirak edən digər cüdoçularımız - İsmail Piriyev (73 kq), Tərlan Kərimov (66 kq) və Xanım Hüseynova (63 kq) mübarizəni erkən dayandırmalı olublar.