“Bakı-2015”: Təmsilçimiz 1/16 finalda dayandı

Bu gün Bakı-2015 I Avropa Oyunlarının kamandan oxatma yarışlarında növbəti qarşılaşmalar keçirilir. Futbolxeber.az-ın məlumatına görə, qadın idmançılar 1/16 final mərhələsində qüvvəsini sınayır.

Bu idman növündə mübarizəni davam etdirən yeganə Azərbaycan təmsilçisi Olqa Senyuk 1/8 finala vəsiqə uğrunda danimarkalı Maya Yagerlə qarşılaşıb. 24 yaşlı idmançımız 3:7 (0:2, 1:1, 2:0, 0:2, 0:2) hesabı ilə uduzaraq, çıxışını başa vurub.

Qeyd edək ki, qadın oxatanlarınız Yaylagül Ramazanova və Nurlana Vəliyeva mübarizəni 1/32 finalda dayandırmışdı (apasport.az).