“Bakı-2015”: Snayperlərimiz komanda yarışında mübarizəni dayandırdı

Bu gün Bakı-2015 I Avropa Oyunlarının atıcılıq yarışlarında daha 2 dəst medalın sahibi müəyyənləşəcək. Futbolxeber.az-ın məlumatına görə, Bakı Atıcılıq Mərkəzində kişilər 50 metr məsafədən uzanaraq atəş açmaqda, qarışıq komandalar isə səngər stendində qüvvələrini sınayır.

Snayperlər təsnifat mərhələsindən çıxış etdikdən sonra mükafatlar uğrunda mübarizə aparacaq. Qadınların yarışında mübarizəyə başlayan 56 idmançı arasında Azərbaycan təmsilçisi olmasa da, komandamız stenddə çıxış edib.

Lakin Elvin İsmayılov və Alina Rəfixanovadan ibarət cütlük təsnifat mərhələsində mübarizəni dayandırıb. Təmsilçilərimiz 74 xal toplayaraq, 10 komandanın iştirak etdiyi mərhələdə sonuncu olublar. İlk 6 pillənin yüksəldiyi yarımfinala çıxa bilməyən komandamızda İsmayılov 41, Alina 33 xal yığı (apasport.az).