“Bakı-2015”: Velosipedçiimiz altıncı oldu (Yenilənib)

Bakı-2015 ilk Avropa Oyunları çərçivəsində şosse velosipedi üzrə yarışlara start verilib. Futbolxeber.az-ın məlumatına görə, iştirakçılar öncə fərdi ötüşmədə (time-trial) mübarizə aparırlar. Bilgəhdə təşkil olunan yürüşlərdə Azərbaycan yığma komandasının 2 üzvü çıxış edir.

Saat 10:00-da qadınların yarışı start götürüb. 25 km məsafəyə yürüş edən 29 velosipedçi arasında Azərbaycanı Yelena Pavluxina təmsil edir. O start xəttinə saat 10:15-də çıxıb. Təmsilçimiz məsafəni 33 dəqiqə 57,45 saniyəyə qət edib. O, bu nəticə ilə yarışı 6-cı pillədə başa vurub.

Saat 13:00-dan etibarən 52 km məsafə qət etməli olan 40 kişi velosipedçi arasında isə ölkəmizin idman şərəfini Elçin Əsədov qoruyub. İdmançımız 12,9 km məsafədəki ara finişdə 20-ci olsa da, yarışı bitirə bilməyib. Belə ki, təmsilçimiz finiş xəttinə çatmayıb.