Vidal: “Çox utanıram, bütün ölkədən üzr istəyirəm”

Çili millisinin və “Yuventus”un üzvü Arturo Vidal avtomobili ilə qəza törətməsi haqda danışıb. Futbolxeber.az-ın məlumatına görə, təcrübəli futbolçu hərəkətinə görə utandığını bildirib: “Bütün ölkədən, komanda yoldaşlarımdan üzr istəyirəm. Dünən kazinoda oldum və bir qədər içki qəbul etdim. Qəzaya düşməklə həyat yoldaşım və digər şəxslərin həyatını təhlükə altına qoydum. Buna görə çox təəssüflənirəm. Günahkar özüməm. Hadisə zamanı əziyyət çəkən hamıdan üzr istəyirəm. Çox utanıram. Bundan artıq heç nə deyə bilmərəm”.

Qeyd edək ki, məhkəmənin qərarına əsasən Vidal 120 gün müddətinə sürücülük hüququndan məhrum edilib.