"Bakı-2015": Taekvandoçumuz qızıl medala sahib çıxdı (Yenilənib)

Bakı-2015 I Avropa Oyunlarında bu gün taekvando yarışlarında daha 2 çəki dərəcəsində qaliblər müəyyənləşib. Futbolxeber.az-ın məlumatına görə, hər iki çəkidə idmançılarımız mübarizə aparıb.

Qadınlar

57 kq

Bu çəkidə ölkəmizi Günay Ağakişiyeva təmsil edir. O, 1/8 finalda serbiyalı Draqana Qladoviçlə üz-üzə gəlib və rəqibinə 4:8 hesabı ilə uduzub. Günayın bürünc medal şansını davam etdirmək üçün Qladoviç finala yüksəlməldir. Lakin o uduzduğundan Günay Ağakişiyeva bürünc medal qazanmaq şansını itirib.

Kişilər

68 kq

Ayxan Tağızadə 1/8 finalda sloveniyalı Yure Pantarla qarşılaşıb. Rəqibini üstələyən Tağızadə 1/4 finala yüksəlib. Burada idmançımız ispan Qonzalez Bonilla ilə qarşılaşıb. Olimpiya çempionu ilə görüş də idmançımız üçün uğurlu alınıb və Tağızadə qələbə qazanmaqla yarımfinala adlayıb. Burada rusiyalı rəqibini də məğlub edən taekvandoçumuz finala yüksəlib. Həlledici qarşılaşamda polşalı rəqibi üzərində əzmkar qələbə qazanan idmançımız Azərbaycana 11-ci qızıl medalı qazandırıb.