Şəhriyar Məmmədyarov: “Qələbəyə gedən yol asan deyil”

Bakıda keçirilən şahmat üzrə Qran-Pri turnirinin 7-ci turunda Şəhriyar Məmmədyarov Yevgeniy Tomaşevskiylə heç-heçə oynayıb. Futbolxeber.az-ın məlumatına görə, Məmmədyarov partiyadan sonra oyunu haqda belə danışıb: "5 turdan sonra demişdim itiriləsi heç nə yoxdur. Son 2 turda risq etməyə çalışdım. Sadəcə, qələbəyə gedən yol asan deyil. Bu gün keçirilən partiyada üstünlük var idi. Böyük üstünlük deyildi. Bütün fiqurlarım yerində olsa da, güclü üstünlük hiss olunmurdu. Qələbə üçün ideal vəziyyət yaranmadı. Hiss etdim ki, rəqib üstünlük qazana bilər. Onda vəziyyət çətinləşəcəkdi. Uduzmaq istəməzdim. Ona görə heç-heçəylə razılaşdıq. Nəzərə alaq ki, uduş yox idi. Belə də risq özünü doğrultmaya bilər”.

Yevgeniy Tomaşevskiy isə partiyanı belə şərh edib: "Qeyri-adi gedişlər etsəm də, üstünlük əldə etmədim. Ağlar üstünlüyə malik olsa da, vəziyyət inkişaf etmədi. Pozisiya mürəkkəb görünürdü. Mənim də üstünlük qazanmaq imkanlarım var idi. Sadəcə oyun maraqlı olsa da, açılış çətin görünürdü. Heç-heçə normal nəticədir. Partiya üçün bundan artıq irəliləyiş görünmürdü”.