Svidler: “Teymurla 100 dəfə belə oynasaq, 99-u heç-heçə başa çatar”

Pyotr Svidler Bakıda keçirilən FİDE Qran-Prisinin üçüncü turunda Teymur Rəcəbovla heç-heçə oynadığı partiyanı şərh edib. Futbolxeber.az-ın məlumatına görə,Svidler artıq 17-ci gedişdən sonra hər şeyin heç-heçəyə doğru getdiyini vurğulayıb: “Partiyanın əvvəli bir qədər gərgin alındı. Narahat olmağa başladım. Amma sonradan vəziyyət dəyişdi. Artıq 17-ci gedişdən sonra hər şey heç-heçəyə doğru gedirdi. Teymurla 100 belə oynasaq, 99-u heç-heçə bitər”.

Svidler ilk 3 turdakı çıxışını belə dəyərləndirib: “Hər şey mükəmməldir deyə bilmərəm. Amma ümumi götürdükdə nəticəmdən razıyam. İlk turda Nakamura ilə oyunda bəzi şanslarım oldu. Lakin qələbə qazana bilmədim. Dünənki qələbəmdə isə daha əvvəl də dediyim kimi, Şəhriyarın sona yaxın buraxdığı kobud səhvin böyük rolu oldu. Həlledici səhvə kimi hər şey heç-heçəyə doğru gedirdi”.