Millimiz İspaniyaya uduzdu

İtaliyanın Jesolo şəhərində təşkil olunmuş dünya çempionatının seçmə mərhələsində çimərlik futbolu üzrə Azərbaycan milli komandası bu gün ikinci oyununu keçirib. Futbolxeber.az-ın məlumatına görə, İspaniya ilə qarşılaşan yığmamız rəqibinə 3:5 hesabı ilə uduzub.

Bu yenilgidən sonra aktivində 3 xal olan millimiz hələ də qrupda ikinci pillədə qərarlaşıb. Növbəti mərhələ yüksəlmək üçün yığma komandamız sabah keçiriləcək son turun oyununda qrupun autsayderi olan Bolqarıstanı məğlub etməlidir.

Qeyd edək ki, millimiz ilk oyununda Çexiyaya 4:1 hesabı ilə qalib gəlib. Bolqarlar isə ilk oyunda ispanlara 1:8, daha sonra çexlərə 4:5 hesabı ilə uduzub.