Essyenin Azərbaycanla bağlı paylaşımına böyük maraq

Azərbaycan-Ermənistan sərhəddində Tovuz istiqamətində düşmən hücumunun qarşısını alarkən 11 şəhid verən Azərbaycan Ordusuna dəstək olanlar arasında ölkəmizdə çıxış edən legioner futbolçular da var.

Futbolxeber.az saytının məlumatına görə, bir neçə əcnəbi futbolçu sosial şəbəkədə ölkəmizə dəstəklərini nümayiş etdiriblər. Bu cür paylaşımlardan ən çox diqqəti çəkən Maykl Essyenə məxsusdur.

Belə ki, “Səbail”in yarımmüdafiəçisi İnstaqramda bayrağımızı paylaşaraq Azərbaycanı dəstəklədiyini bəyan edib. Ulduz futbolçunun bu paylaşımını 40 mindən çox insan bəyənib. Eləcə də paylaşıma 10 mindən artıq şərh yazılıb.

Qeyd edək ki, daha əvvəl “Çelsi”, “Real”, “Milan” kimi klubların formasını geymiş qanalı ulduzun İnstaqramda 1,4 milyon izləyicisi var.

.