Əfran İsmayılov: “Pulumuzu alıb, mintinqdə qışqırırdıq”

"Keşlə"nin yarımmüdafiəçisi Əfran İsmayılov yenidən mitinq məsələsi ilə bağlı danışıb.

Futbolxeber.az saytının məlumatına görə, millimizin sabiq üzvü dolanışığından heç bir narazılığının olmadığını deyib:

"Həyatımdan, dolanışığımdan, dövlətimdən razıyam. Sadəcə sual verilib, cavablandırmışam ki, o vaxt İsa Qəmbərin mitinqlərində iştirak etmək üçün camaata pul paylayırdılar. Mən hökuməti və ya müxalifəti pisləməmişəm. Mən azərbaycanlıyam, hamının mehriban olmasını, sülh şəraitində yaşamasını istəyirəm. Mitinq məsələsinə gəlincə, o vaxt biz uşaq idik, butulka yığıb satırdıq. Gəlirdilər ki, mitinq var, pul verirdilər. Heç bilmirdim, orda söhbət kimdən gedir. Gedib pulumuzu alıb, qışqırırdıq. Uşaq idik də. İndi bu sözə görə məni sosial şəbəkədə təhqir edənlər var. Onlar başa düşmürlər ki, yazdıqları şərhi yaxınları da oxuyur?" (olke.az).