Millimizin qapıçısı Qazaxıstan klubundan ayrılıb

Futzal üzrə Azərbaycan millisinin qapıçısı Rövşən Hüseynli Qazaxıstanın “Astana” komandasından ayrılıb.

Futbolxeber.az saytının məlumatına görə, 34 yaşlı qolkiper bu barədə sosial şəbəkə hesabında paylaşım edib.

"Karyeramda çox qeyri-adi və maraqlı bir mövsüm oldu. Həm təcrübə, həm də ən əsası, meydandan kənarda yeni dostlar qazandım. Komanda yoldaşlarıma və rəhbərliyə təşəkkür edir, onlara yeni mövsümdə uğurlar arzulayıram. Təşəkkürlər, Astana!", - deyə təcrübəli oyunçu yazıb.

Qeyd edək ki, Rövşən Hüseynli “Astana”ya ötən ilin yayında keçmişdi.