29 Mart 2024, Cümə
XXXI və XXXII turun oyun cədvəlləri
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə

Etopaz

Zəfər Kubokunun püşkü atılıb

İdman Araşdırmalar Mərkəzi (İAM) və ETOPAZ-ın 10 illik yubileyi münasibətilə jurnalistlər arasında keçiriləcək mini-futbol üzrə Zəfər Kubokunun püşkatma mərasimi keçirilib.

Futbolxeber.az saytının məlumatına görə, "Report" agentliyinin ofisində təşkil olunmuş tədbirdə İAM-ın sədri və agentliyin idman şöbəsinin redaktoru Elşən Məmmədov may və iyunun əlamətdar aylar olduğunu və məhz turnirin bu tarixlərə salınmasının təsadüfi olmadığını bildirib. İşğaldan azad olunmuş ərazilərin adlarını daşıyan komandaların iştirakı ilə mini-futbol turnirini ilk dəfə 2021-ci ildə Azərbaycan İdman Jurnalistləri Federasiyasının təşkil etdiyini xatırladan E.Məmmədov bu ideyanın yaşamasının zəruriliyini bildirib. Torpaqlarımızın azadlığı uğrunda canından keçmiş bütün şəhidlərə Allahdan rəhmət diləyən İAM sədri qazilərə can sağlığı arzulayıb: "Əvvəllər mayda Şuşa və Laçının işğalını hüznlə anırdıqsa, artıq torpaqlarımız işğaldan azad olunub".

O qeyd edib ki, hazırda Zəfər Kuboku adını daşıyan turnir eyni formatla gələn il Ümummilli lider Heydər Əliyevin 100 illik yubileyi münasibətilə təşkil oluna bilər: "Artıq deyə bilərik ki, format özünü doğruldur və yaşamalıdır. Çünki bizim üçün əlamətdar olan günlərdə keçirilir. Komandaların adları müqəddəs sayılan, işğaldan azad edilmiş bölgələrə verilib. Bu turnirlə bağlı elan verəndə, ilk olaraq 8 komandanın iştirakı nəzərdə tutulurdu. Daha sonra müraciətlərin çoxluğunu nəzərə alıb, komandaların sayını 12-ə yüksəltdik və format dəyişikliyinə getdik. Turnirə maraq böyükdür və oynamaq istəyən komandalar yetərincədir. Bütün yarış iştirakçılarına təşəkkür edirəm. İnanıram ki, turnir sağlam və gərgin rəqabət şəraitində keçəcək".

Turnirin Təşkilat Komitəsinin üzvlərindən beynəlxalq dərəcəli hakim, "Neftçi"nin sabiq vitse-prezidenti Tahir Süleymanov bütün komandalara uğurlar arzulayıb, təşkilatçılara və sponsorlara təşəkkürünü bildirib: "Bu gün Milli Qəhrəmanımız, Allahverdi Bağırovun doğum günüdür. Birinci Qarabağ müharibəsində və 44 günlük Vətən müharibəsində dünyasını dəyişən şəhidlərimizə Allah rəhmət eləsin. Qazilərimizə can sağlığı arzu edirik. Arzu edirəm ki, Azərbaycan çempionatında da komanda sayı 12 olsun, müqəddəs torpaqlarda turnirlərin davamı olsun. Bir daha hər birinizə uğurlar arzulayıram. Futbol emosional oyundur, hər birimiz komandaların adlarını göz önünə gətirib turniri elə səviyyədə keçirməliyik ki, nümunəvi olsun".

Region Liqasında çıxış edən "Cəbrayıl" klubunun prezidenti Cavid Hüseynov tədbirdə iştirakı özünə borc bildiyini vurğulayıb: "Futbol hər kəsi birləşdirən idman növüdür. Bu yarışda jurnalistlərimiz öz məharətini göstərəcək. Prezident İlham Əliyevin Dünya Azərbaycanlılarının V Qurultayındakı çıxışını dinlədim. O da xüsusi olaraq qeyd etdi ki, Zəfər yolu sadəcə yoldan ibarət deyil. Bu günə gəlib çıxmağımızda Qarabağın işğaldan azad edilməyində böyük - 30 illik məsafə var. Turnirin adı ilə bağlı çox gözəl seçim etmisiniz. Hər birinizə uğurlar arzulayıram. Şəhidlərimiz və qazilərimizin sayəsində torpaqlarımız işğaldan azad olunub. Komandalara uğurlar arzu edirəm, maraqlı turnir olacağına inanıram".

Təşkilat Komitəsinin üzvü, idman jurnalisti Mehman Süleymanov turnirə çox gözəl adın verildiyini diqqətə çatdırıb: "Allah həmkarımız Elnur Əşrəfoğluna da rəhmət eləsin. Zəfər Kubokunun final matçı onun doğum gününə təsadüf edəcək. İdman mediasının yarışları rəqabət baxımından geri qalmır. Bir sıra jurnalistlər bu sahədə də bacarıqlıdırlar. Zəfər Kuboku da İAM və ETOPAZ-ın 10 illik yubileyi ilə bağlı keçirilir. Bütün komandalara uğurlar arzulayıram".

ETOPAZ-ın Müştəri xidmətləri şöbəsinin müdiri Yusif Həsənov bir çoxları tərəfindən Azərbaycanın ilk qanuni mərc saytı kimi tanınmalarına baxmayaraq, şirkətin bir sıra layihələrdə yaxından iştirak etdiyini xatırladıb: "Aztəminatlı ailələrə və Vətən müharibəsindən sonra şəhid ailələrinə, müharibə iştirakçılarına yardımlar etmişik. YAŞAT və Qarabağ Dirçəliş Fonduna ianələr etmişik. Şirkət olaraq bu turnirdə iştirak etmək qürurverici haldır. İnanıram ki, turniri layiq olan komanda qazanacaq".

Daha sonra püşkatma mərasimi keçirilib:

A qrupu: "Füzuli" ("Report"), "Xocavənd" ("İdman" TV), "Cəbrayıl" ("Futbol+")

B qrupu: "Suqovuşan" ("Veteranlar"), "Xocalı" ("Vəfadar"), "Şuşa" (ARB TV)

C qrupu: "Laçın" (İctimai-siyasi jurnalistlər), "Qubadlı" ("Elnur Əşrəfoğlunun komandası"), "Kəlbəcər" ("Teleqraf Holdinq")

D qrupu: "Zəngilan" ("Şuşa-2021"), "Xankəndi" ("Bakı"), "Ağdam" ("Xəzər")

4 may
10:30. Açılış mərasimi

I tur
11:00. "Zəngilan" - "Ağdam"

8 may

11:00. "Füzuli" - "Cəbrayıl", "Suqovuşan" - "Şuşa"
12:00. "Laçın" - "Kəlbəcər"

15 may

II tur

11:00. "Xocavənd" - "Cəbrayıl", "Xocalı" - "Şuşa"
12:00. "Qubadlı" - "Kəlbəcər", "Xankəndi" - "Ağdam"

22 may

III tur

11:00. "Füzuli" - "Xocavənd", "Suqovuşan" - "Xocalı"
12:00. "Laçın" - "Qubadlı", "Zəngilan" - "Xankəndi"

28 may

Yarımfinal

11:00. A qrupunun qalibi - C qrupunun qalibi
12:00. B qrupunun qalibi - D qrupunun qalibi

19 iyun

12:00. FİNAL




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31