“Sabah”ın Finlandiya zəfəri

"Sabah" Çempionlar Liqasında 2-ci təsnifat mərhələsinin cavab oyununa çıxıb.

Futbolxeber.az saytının məlumatına görə, Valdas Dambrauskasın komandası Finlandiyada "KuPS"un qonağı olub.

Bu komandalar arasında ilk oyun "Sabah"ın 1:0 hesablı qələbəsi ilə yekunlaşmışdı. Bugünkü görüşdə isə Azərbaycan klubu 2:0 hesabı ilə qalib gələrək 3-cü təsnifat mərhələsinə yüksəlib.

Bu isə o deməkdir ki, "Sabah" ən azı Konfrans Liqasında Liqa mərhələsini təmin edib.

"Sabah" ÇL-in 3-cü təsnifat mərhələsində "Orhus" (Danimarka) - "Lex" (Polşa) cütünün qalibi ilə qarşılaşacaq. "Lex" səfərdə keçirdiyi ilk görüşdə "Orhus"a 4:1 hesabı ilə qalib gəlib. Komandaların cavab matçı iyulun 29-da Polşada keçiriləcək.

UEFA Çempionlar Liqası

II təsnifat mərhələsi, cavab oyunu

28 iyul

"KuPS" (Finlandiya) - "Sabah" (Azərbaycan) - 0:2

Qollar: Velko Simiç, 53, Coy-Lens Mikels, 70

Baş hakim: Qal Leybovitz (İsrail)