"Şamaxı" portuqaliyalı futbolçu transfer etdi

“Şamaxı” yeni mövsüm heyətini formalaşdırmaq üçün çalışmalarını davam etdirir.

Futbolxeber.az saytının məlumatına görə, bölgə təmsilçisi sol cinah müdafiəçisi Joao Oliveiranı (Jota) heyətinə qatıb. 26 yaşlı futbolçu ilə iki (1+1) illik müqavilə imzalanıb.

Qeyd edək ki, Jotanın son klubu Portuqaliya “Sao Joao de Ver”i olub.

Xatırladaq ki, "Şamaxı" bunadək Sənan Muradlı ("Sumqayıt" - icarə) Emin Rüstəmov ("Karvan-Yevlax"), Uğur Cahangirov ("Karvan-Yevlax"), Ceyhun Bağırzadə ("Qəbələ-2"), Okan Təhməzli (“Qəbələ”), Hacıəli Şirəliyev, Emil Süleymanov ("Qəbələ") və Nicat Qaragözlünü kluba cəlb edib.