Cavid Hüseynov: "Asan olmayacaq"

“Belə bir məsuliyyətli işi mənə həvalə etdiyinə görə klub rəhbərliyinə təşəkkür edirəm. “Araz-Naxçıvan” Premyer Liqaya rəng qatan klublardandır. Hər mövsüm iddiası ilə seçilir".

Futbolxeber.az saytının məlumatına görə, bu sözləri "Araz-Naxçıvan"ın yeni baş məşqçisi Cavid Hüseynov təyinatı ilə bağlı klubun mətbuat xidmətinə açıqlamasında deyib.

Yeni işinin asan olmayacağını bildirən Hüseynov artıq heyətin gücləndirilməsi işlərinə başladıqlarını da qeyd edib: "Biz də çalışacağıq ki, bu komanda ilə uğur qazanaq. Hər çağırış mənim kimi gənc baş məşqçi üçün yeni bir imkandır. Məsuliyyətimizi anlayırıq. Təbii ki, asan olmayacaq. Heyətin formalaşdırılması üçün transfer çalışmalarını davam etdiririk. Bəyəndiyimiz futbolçuların keçidi üçün danışıqlar aparılır. Rəsmi razılaşma olduqca, klub tərəfindən açıqlama veriləcək”.