"Şəfa"dan növbəti transfer

Yeni mövsümdən Azərbaycan Premyer Liqasında çıxış edəcək “Şəfa” yay transfer pəncərəsində ikinci transferini reallaşdırıb.

Futbolxeber.az saytının klubun mətbuat xidmətinə istinadən verdiyi məlumata görə, qapıçı Nicat Mehbalıyev heyətə cəlb edilib. Onunla 1 illik müqavilə imzalanıb.

Nicat Mehbalıyev son olaraq “Sabah”ın formasını geyinib və ötən mövsüm Premyer Liqanın və Azərbaycan kubokunun qalibi olub.

25 yaşlı qolkiper karyerası ərzində “Qarabağ”ın da üzvü olub. O, müxtəlif vaxtlarda icarə əsasında “Sumqayıt” və “Qəbələ” klublarında çıxış edib.

Xatırladaq ki, "Şəfa" ötən gün müdafiəçi Rauf Hüseynlinin də transferini açıqlamışdı.