Portuqaliyalı müdafiəçi “Qarabağ”ın hədəfində

“Qarabağ” Portuqaliyanın yüksək liqa təmsilçisi “Kaza Pia” (Casa Pia) klubunda çıxış edən mərkəz müdafiəçisi Joao Qulart (Joao Goulart) ilə maraqlanır.

Futbolxeber.az saytının məlumatına görə, bu barədə Portuqaliyanın “A Bola” nəşri yazıb.

26 yaşlı futbolçunun Ağdam təmsilçisinin diqqət mərkəzində olduğu bildirilir. Hələlik “Kasa Pia” rəhbərliyinə rəsmi təklif göndərilməyib.

Mənbənin iddiasına görə, klub portuqaliyalı oyunçunu təxminən 1,5 milyon avro qarşılığında buraxmağa hazırdır. Lakin futbolçunun hazırda komandası ilə mövsümün həlledici hissəsinə fokuslandığı vurğulanıb.

Qeyd edək ki, Joao Qulart bu mövsüm “Kasa Pia” müdafiəsinin əsas simalarından biri hesab olunur.