AFFA-dan “Sumqayıt”a 12500 manatlıq cərimə

Bu gün AFFA İntizam Komitəsinin iclası keçirilib.

Futbolxeber.az saytının məlumatına görə, Azərbaycan Premyer Liqasının 29-cu turunun “İmişli” - “Sumqayıt” oyununda meydan sahiblərindən 5 nəfər sarı vərəqə aldığı üçün klub 700 manat cərimələnib.

Həmin oyun “Sumqayıt”ın formasında qüsurlar olması səbəbindən gec başladığına görə "gənclik şəhəri" təmsilçisi 1500 manat cərimə edilib.

Bu matçda “Sumqayıt” azarkeşləri tərəfindən futbolçuların ünvanına kütləvi şəkildə təhqiramiz ifadələr səsləndirildiyinə və bu hal cari mövsümdə 4-cü dəfə təkrarlandığına görə klub 8000 manat cərimələnib.

Eyni görüş bitdikdən sonra “Sumqayıt” azarkeşləri tərəfindən pirotexniki vasitədən istifadə edildiyinə görə “Sumqayıt” 3000 manat cərimə edilib.