Yuri Syomin: “Kurban Berdıyev qalib məşqçidir, hər zaman nəsə qazanır”

“Kurban Berdıyev qalib məşqçidir. O, hər zaman nəsə qazanır”.

Futbolxeber.az saytına müsahibəsində bu sözləri tanınmış rusiyalı mütəxəssis, “Qəbələ”nin keçmiş baş məşqçisi Yuri Syomin deyib.

Vaxtı ilə Rusiya çempionatında rəqib olduğu Kurban Berdıyevin “Turan Tovuz”dakı fəaliyyətini dəyərləndirən Syomin, bu cür təcrübəli mütəxəssisin ölkəmizdə çalışmasının Azərbaycan futbolunun xeyrinə olduğunu vurğulayıb:

“Berdıyev çox təhlükəlidir (gülür). O, elə “Qarabağ” üçün də təhlükəli rəqibdir. Berdıyevin təcrübəsi barədə nəsə demək artıq olar. O, qalib gəlməyin yollarını bilir. Azərbaycanda medalçılar sırasına düşsə, yaxud kuboku qazansa, buna qətiyyən təəccüblənmərəm. Çünki nə etdiyini, eləcə də qalib gəlməyin yollarını bilir. Vaxtı ilə səfərdə "Barselona"ya qalib gəlib, özü də "Nou Kamp"da. Kurban Berdıyevin bu gün ölkənizdə çalışması yalnız və yalnız Azərbaycan futbolunun xeyrinədir. Onun zəngin təcrübəsindən yararlanmaq lazımdır”.

Qeyd edək ki, Yuri Syominin müsahibəsinin tam mətni ilə irəliləyən saatlarda tanış ola bilərsiniz.