Berdıyev Vernidubun məğlubiyyətsiz oyunlar seriyasına son qoydu

Azərbaycan Premyer Liqasının 23-cü turunda “Neftçi” öz meydanında “Turan Tovuz”a 0:1 hesabı ilə uduzub.

Futbolxeber.az saytının məlumatına görə, bu nəticə ilə “ağ-qaralar” Yuri Vernidubun rəhbərliyi altında ilk dəfə məğlubiyyət acısı yaşayıb. Ukraynalı mütəxəssisin gəlişindən sonra “Neftçi” buna qədər keçirdiyi 7 oyundan 4 qələbə qazanmışdı, 3-də isə heç-heçə etmişdi. “Karvan-Yevlax” (2:1), “Araz-Naxçıvan” (4:0), “Kəpəz” (3:1) və “Qəbələ”yə (1:0) qalib gələn Vernidubun komandası “Sumqayıt” (2:2), “Zirə” (0:0) və “Şamaxı” (2:2) ilə xalları yarı bölmüşdü. Lakin Kurban Berdıyevin rəhbərlik etdiyi “Turan Tovuz” Yuri Vernidubun məğlubiyyətsiz oyunlar seriyasına son qoydu.

Xatırladaq ki, buna qədər “Neftçi” sonuncu dəfə ötən ilin 8 dekabrında “Sabah”a 0:2 hesabı ilə uduzmuşdu. Masazırda baş tutan həmin görüşü Yuri Vernidub tribunadan izləmişdi.