“Nəticələr yaxşıdırsa, Kurban Berdıyevdən necə razı qalmamaq olar?"

“Biz turnirləri bölmürük. Hədəfimiz avrokuboklara yollanmaqdır. Fərqi yoxdur, buna kubokdan nail olduq, yaxud çempionatdan. Əsas odur ki, qarşıya qoyulan məqsədə çataq”.

Futbolxeber.az saytına müsahibəsində bu sözləri “Turan Tovuz”un yarımmüdafiəçisi Filip Ozobiç deyib.

O, komandanın baş məşqçisi Kurban Berdıyevin işini müsbət qiymətləndirib:

“Mövsümün geridə qalan hissəsində yaxşı çıxış edir. Kubokda yarımfinala adlamışıq, çempionatda da üçüncü yerdəyik. Odur ki, nəticələr yaxşıdırsa, Kurban Berdıyevdən necə razı qalmamaq olar? O, təcrübəli mütəxəssisdir və komandanın irəli getməsi üçün əlindən gələni edir”.