29 Aprel 2026, Çərşənbə
"Sumqayıt"ın yubiley qələbəsi
Millimiz Monteneqroya yollanıb
Azərbaycan boksçularından tarixi nəticə
Vernidub: “Azarkeşlərdən üzr istəyirəm”

Ölkə futbolu

Leandro Andrade: “Bundan da yaxşısını edə bilərik”

“Qarabağ”ın yarımmüdafiəçisi Leandro Andradenin Futbolxeber.az saytına müsahibəsi

 

- Azərbaycan Premyer Liqasının 23-cü turunda “Araz-Naxçıvan” üzərində böyük hesablı qələbə (6:0) qazandınız. Görüşü necə şərh edərdiniz?

- Düşünürəm ki, matç bizim üçün pozitiv notlarla keçdi. Sevindirici haldır ki, qol buraxmadan qələbə qazandıq. Məşqçinin dediyi bütün tapşırıqların öhdəsindən gəldik. Lakin bəzi səhvlərimiz də oldu. Rəqib az qala müəyyən epizodlarda bundan yararlanacaqdı. Ona görə də diqqətli olmalıyıq. İndi qapımızda qol görməsək də, qarşıdakı rəqiblər bu səhvləri bağışlamaya bilər.

- Necə düşünürsünüz, bu matçda "Qarabağ" çox güclü idi, yoxsa "Araz-Naxçıvan" zəif çıxış etdi?

- Biz sadəcə öz işimizi görürük. Tapşırıqların hər birini lazımi səviyyədə etdikdə layiq olduğumuz qələbəni qazanırıq. "Araz-Naxçıvan" yaxşı komandadır. Daha güclü çıxış etməyə ehtiyacımız var. Bundan da yaxşısını edə bilərik. Birinci yerdə olmalıyıq.

- Yəqin ki, oyundan öncə 6:0 hesabını gözləmirdiniz. Elədir?

- Bu barədə düşünmürük. Addım-addım qələbələrə nail oluruq. Hesab 1:0, 2:0, yaxud 3:0 olanda da çətinlik çəkmirik, əsası odur ki, qol buraxmayaq. İnamlı müdafiə olunarkən, qol buraxmırıq. Həmin situasiyada qələbəyə daha yaxın olursan.

- Demək olar ki, Çempionlar Liqasında çıxışını başa vurduqdan sonra “Qarabağ” artıq tam çempionata köklənib?

- Bəli, artıq tam çempionata köklənmişik, qələbələr qazanmalıyıq. Çempionluq mübarizəsi davam edir. Qarşıda bizi hələ uzun marafon gözləyir. Hər matç bizim üçün vacibdir. “Sabah” güclü komandadır. Lakin imkan verməməliyik ki, rəqib xal fərqini artırsın.

- Növbəti turda səfərdə "Zirə" ilə qarşılacaqsınız. Həmin matçdan gözləntiləriniz nədir?

- "Zirə" çətin rəqibdir. Onlarla matçda tez-tez heç-heçə edirik, xal itiririk. Çalışmalıyıq ki, bu dəfə eyni hal təkrarlanmasım. Matça çox ciddi hazırlaşmalıyıq. Çünki məqsədimiz qələbədir. Bu matçda yaxşı nəticə qazanmaq istəyirik.

Azad Nuriyev








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2026
B.eÇ.aÇC.aCŞB
01 02 03 04 05
06 07 08 09 10 11 12
13 14 15 16 17 18 19
20 21 22 23 24 25 26
27 28 29 30