Tiaqo Silva: “Turan Tovuz” daha aqressiv və istəkli idi”

“Oyuna çox zəif başladıq. Matçın əvvəlində rəqib bizdən aşkar üstün idi”

Futbolxeber.az saytına açıqlamasında bu sözləri “Zirə”nin qapıçısı Tiaqo Silva Azərbaycan Premyer Liqasının 21-ci turunda “Turan Tovuz”a 0:2 hesabı ilə udzuduqları oyundan danışarkən deyib.

O, məğlubiyyətin səbəbini belə kizah edib: “İkinci hissədə nisbətən üstünlüyü ələ aldıq. Bu da təbii idi. Hesabda irəlidə olduğu üçün rəqib müdafiədə diqqətli oynayırdı. Azsaylı qol şanslarımız oldu, amma faydalana bilmədik. Düşünürəm ki, oyunda daha aqressiv və istəkli tərəf "Turan Tovuz" idi”.

Braziliyalı qolkiper “Zirə”nin müdafiə xəttində problem olduğunu düşünmür: “Daha əvvəl də buna oxşar qollar buraxmışıq. İlk dəfə deyil. Sadəcə, indiki vəziyyətdə bunları analiz etməli və problemləri aradan qaldırmalıyıq. Qarşımıza avrokuboka vəsiqə qazanmağı hədəf qoymuşuq. Buna çatmaq istəyirik”.

Silva bir neçə oyunda matçın əvvəlində qapılarında qol görmələrinə də toxunub: “İndiki vəziyyətdə bütün komanda yoldaşlarım başa düşməlidir ki, ardıcıl iki mövsüm avrokuboklara əbəs yerə yollanmamışıq. Bəzən göstərdiyimiz aqressiya, pressinq bizə müxtəlif oyunlarda kömək olur. "Turan Tovuz"la qarşılaşmada da aqressiya çatmırdı. Növbəti görüşlərdə daha fərqli çıxış etməliyik".

26 yaşlı qolkiper növbəti turda “Araz-Naxçıvan”la qarşı keçiriləcək matçdan da söz açıb: “Qələbə qazanmaq istəyirik. Bunun üçün çalışmalıyıq. Artıq daha çox aqressiv olmalıyıq. Daha fərqli mübarizə əzmi olsa, qalib gələ biləcəyik”.

TAĞI