Cenk Sümer: “Banişevskinin xatirəsini yaşatmaq hər bir “Neftçi”sevərin borcudur”

“Əfsanəvi futbolçumuzun xatirəsini yaşatmaq “Neftçi” Peşəkar Futbol Klubunun, ümumiyyətlə, hər bir “Neftçi”sevərin borcudur”.

Futbolxeber.az saytının məlumatına görə, bu sözləri “Neftçi”nin baş icraçı direktoru Cenk Sümer bu gün “Neftçi”nin əfsanəvi futbolçusu Anatoli Banişevskinin İkinci Fəxri xiyabandakı qəbrini ziyarət edərkən deyib.

C.Sümer Banişevskinin yubileyi ilə əlaqədar “Neftçi”nin planlaşdırdığı tədbirlərlə bağlı əfsanəvi futbolçunun ailəsinə məlumat verib. Mərhumun həyat yoldaşı İnna Banişevskaya da Anatoli Banişevskini unutmadıqlarına görə “Neftçi”yə minnətdarlığını bildirib.