Azərbaycanda dekabr ayının ən yaxşı qolları müəyyənləşdi

Peşəkar Futbol Liqasının (PFL) təşkil etdiyi “Ayın qolu” layihəsində dekabr ayının qalibləri müəyyənləşib.

Futbolxeber.az saytının məlumatına görə, Azərbaycan Premyer Liqasında “Kəpəz”in futbolçusu Ryonosuke Ohori qalib olub. Yaponiyalı yarımmüdafiəçi gərgin mübarizədə Georgi Papunaşvilini üstələyib (5:4). “Qarabağ”dan Toral Bayramov və “Şamaxı”lı Dioqo Balau hərəyə 1 səs toplayıblar.

I Liqada “Şahdağ”da çıxış edən Ruslan Voronsov qalib olub. 11 mümkün səsdən 7-sini toplayıb.

II Liqada isə “Quba” forması geyinən Ramin Məhərrəmov birinci olub. O, 11 münsifdən 6-sının səsini qazanıb.