"Liverpul" "Qarabağ" azarkeşlərinə neçə bilet ayırıb?

UEFA Çempionlar Liqasının Liqa mərhələsi çərçivəsində keçiriləcək “Liverpul” - “Qarabağ” matçında Ağdam təmsilçisinin azarkeşləri üçün ayrılan biletlər bu gün satışa çıxarılacaq.

Futbolxeber.az saytının məlumatına görə, bu barədə klbun mətbuat xidməti açıqlama yayıb.

Görüşü "Enfild"də izləmək və "Qarabağ"ı dəstəkləmək istəyən azarkeşlər üçün ayrılmış vauçerlər iTicket.az saytında onlayn şəkildə saat 12:00-dan etibarən satışda olacaq. Biletlərin qiyməti 115 AZN təşkil edir.

Vauçerləri ilkin olaraq iTicket.az-dan əldə etmək mümkündür. Bildirilib ki, oyun gününə qədər isə biletlər sifariş zamanı göstərilən e-mail ünvanına iTicket.az-ın rəsmi e-maili vasitəsilə göndəriləcək.

"Qarabağ" azarkeşləri üçün "Enfild"də 1250 yer ayrıldığı vurğulanıb.

Qeyd edək ki, "Liverpul" - "Qarabağ" oyunu yanvarın 28-i İngiltərə vaxtı ilə isə saat 20:00-da start götürəcək.