“Neftçi” - “İmişli” oyununun biletləri satışda

Azərbaycan Premyer Liqasının 12-ci turu çərçivəsində keçiriləcək “Neftçi” - “İmişli” matçının biletləri satışa çıxarılıb.

Futbolxeber.az saytının məlumatına görə, qiyməti 3 (“Şərq 1”, “Şərq 2”, “Forza”, “Qərb 2” sektorları), 5 (“Cənub üst”, “Şimal 1”, “Şimal 2” sektoru), 7 (“Cənub alt” sektorları), 25 (“VIP Silver” sektoru) və 30 (“VIP Gold” sektoru) AZN təşkil edən biletləri “Neftçi”nin mobil tətbiqindən və https://bilet.neftchi.az saytından onlayn şəkildə əldə etmək olar.

Qeyd edək ki, bu biletlərlə Azərbaycan Premyer Liqasının 15-ci turu çərçivəsində dekabr ayında  “Palms Sports Arena”da keçiriləcək “Neftçi” - “Sumqayıt” matçına da giriş etmək mümkün olacaq. Yəni azarkeşlər bir bilet almaqla bu il keçiriləcək son iki ev oyununu tribunadan izləyə biləcəklər.

Bu, yalnız onlayn alınan biletlər üçün keçərlidir. Stadionun kassasında isə “İmişli” ilə matç üçün biletlər oyun günü saat 11:00-dan etibarən satışda olacaq.

Xatırladaq ki, noyabrın 23-ü “Palms Sports Arena”da keçiriləcək “Neftçi” - “İmişli” matçı saat 17:30-da start götürəcək.