Leandro Andrade: “Kopenhagen” əla komandadır”

"Qarabağ"ın futbolçusu Leandro Andrade Çempionlar Liqası Liqa mərhələsinin 2-ci turunda "Kopenhagen"ə qarşı keçirəcəkləri matçdan danışıb.

Futbolxeber.az saytının məlumatına görə, o, görüşdən əvvəl təşkil olunan mətbuat konfransında azarkeşləri sevindirməyə çalışacaqlarını deyib:

"Baş məşqçimiz də vurğuladı ki, bu matç hamımız üçün vacib oyundur. Azərbaycan xalqını sevindirməyə çalışacağıq. Bu meydanda ən yaxşı oyunumuzu göstərməyimiz üçün bizi motivasiya edir. Stadionumuz da gözəldir".

26 yaşlı yarımmüdafiəçi Danimarka təmsilçisinin gücünü də dəyərləndirib: "Kopenhagen" əla komandadır. Çempionlar Liqasındakı hər komanda güclüdür. Biz ən əlimizdən gələnin ən yaxşısını edəcəyik. Meydanda maksimum gücümüzü ortaya qoyacağıq. Oyuna maksimum dərəcədə köklənəcəyik".

O, "Benfika" ilə matçdan əvvəl qol vuracağını hiss etdiyini demişdin. Sabah da qol vuracağını hiss edirsən" sualını belə cavablandırıb: "Mən oyuna daha çox köklənmişəm. Sabah necə olacağını görəcəyik. Birlikdə mübarizə aparacağıq. Çox maraqlı oyun olacaq. Ən yaxşısını edəcəyimizə inanıram".