Mübariz Mənsimov: “İnşallah, bir gün “Xəzər Lənkəran” bərpa olunar və...”

“Palmali” Şirkətlər Qrupunun rəhbəri Mübariz Mənsimov sahibi olduğu “Xəzər Lənkəran”ın sabiq hücumçusu Oqtay Dərəlioğlu ilə görüşüb.

Futbolxeber.az saytının məlumatına görə, M.Mənsimov bununla bağlı sosial şəbəkə hesabında paylaşım edib.

“Bir zamanlar yalnız Azərbaycanın deyil, həm də Türkiyənin tanıdığı və böyük hörmət etdiyi əfsanəvi futbolçu, “Xəzər Lənkəran”ın önəmli oyunçularından biri olan Oktay Derelioğlu mənim qonağım oldu. Söhbətimiz zamanı təkcə futbolun bugünkü vəziyyətindən deyil, həm də Azərbaycan futbolunun son illərdə qazandığı uğurlardan danışdıq. Bu anlar mənim üçün çox dəyərli idi. İnşallah, bir gün yenidən “Xəzər Lənkəran” klubumuz bərpa olunar və biz Oktay Derelioğlu kimi dəyərli futbolçumuzu həm də baş məşqçi kimi komandamızın sükanında görərik”, - deyə Mənsimov bildirib.