Qurban Qurbanov: “Etməsə, daha yaxşı olardı”

“Sabah”ı təbrik edirəm. Qarşıdakı avrokuboklarda uğurlar arzulayıram. Futbolçularıma təşəkkür edirəm. Yaxşı mövsüm keçirdilər. Hər bir futbolçudan razı qaldım. Möhtəşəm atmosfer var idi”.

Futbolxeber.az saytının məlumatına görə, bu sözləri “Qarabağ”ın baş məşqçisi Qurban Qurbanov Azərbaycan kubokunun finalında “Sabah”a 2:3 hesabı ilə uduzduqları oyundan sonra təşkil olunan mətbuat konfransında deyib.

Təcrübəli mütəxəssis daha sonra jurnalistlərin suallarını cavablandırıb:

- Benzia çox aqressiv idi, heç cür sakitləşmək bilmirdi, sanki cəzalanmaqdan qorxmurdu. Bu onun komandadan gedəcəyinə işarə idi?

- Xeyr. Belə oyunlarda aqressivlik olur. Etməsə, daha yaxşı olardı. Sadəcə mövsüm bizim üçün gərgin keçdi, futbolçuları meydanda və meydandan kənardan özlərini idarə etməsi üçün çox danışıqlar oldu. Bəzən futbolda belə hallar olur. Oyunun gedişatında futbolçular əsəbiləşir. Ciddi bir şey görmədim. Normaldır.

- Hakimliyi necə dəyərləndirirsiz?

- Belə oyunlar hakimlər üçün də asan deyil. İnqilab Məmmədov illərin təcrübəsini göstərdi. Oyunu çox ağıllı idarə etdi.

- Bu, Benzianın “Qarabağ”dakı sonuncu oyunu idi?

- Hələ razılaşmamışıq. Konkret bir şey yoxdur. Təklifimizi etmişik, cavab gözləyirik.