Bizim Altay Əliyev

Son 30 ildə Azərbaycan teleməkanında çox şərhçi olub. Kimisə unudaram deyə bir-bir ad çəkmək istəməzdim. Elələri var ki, uzun illərdir ekranlardan uzaq olsalar da, daim xatırlanırlar. İdman cəmeəsindən kənar şəxslərlə məclislərdə şərhçilikdən söz düşəndə “O vaxt Altay Əliyev var idi, çox yaxşı şərh edirdi. İndi haradadır, niyə efirlərdə görsənmir?” kimi sualları tez-tez eşidirik. Bəli, Altay Əliyev uzun illərdir efirlərdən uzaq qalsa da, bu gün də xatırlanır. Tamaşılar indi də onun şərhləri üçün darıxırlar.

Bilməyənlər üçün xatırladaq ki, Altay Əliyev hazırda tam başqa sahədə çalışır və özü haqqında bacarıqlı, uğurlu iş adamı imici formalaşdırıb. Hazırda o, “BAL LİNE” şirkətinin rəsmi ticarət markası olan, Azərbaycan ilk qanuni mərc saytı ETOPAZ-ın baş direktorudur.

Jurnalistikada çalışmasa da, Altay Əliyev daim keçmiş həmkarlarına dəstək olur. İllərdir ETOPAZ şirkəti idman mətbuatı ilə uğurlu əməkdaşlıq edir. Üstəlik, mütəmadi olaraq ETOPAZ idman jurnalistlərinin xaricə səfərlərini təşkil edir. Bu baxımdan Qətərdə keçirilən son dünya çempionatını, milli komandamızın səfər oyunlarını, “Qarabağ”ın avrokuboklarda rəqib meydanında keçirdiyi qarşılaşmaları, eləcə də Türkiyə Superliqasının matçlarını qeyd etmək olar. Təbii ki, şirkətin idman mediasına bu cür diqqətlə yanaşmasının təsəbbüşkarı məhz Altay Əliyevdir.

Bu gün keçmiş həmkarımızın doğum günüdür. Onun 47 yaşı tamam olur. İllər keçir, zaman dəyişir, amma bizim tanıdığımız Altay Əliyev illərdir dəyişmir. Biz də Futbolxeber.az saytı olaraq daim idman mediasının yanında olan, jurnalistlərdən dəstəyini əsirgəməyən A.Əliyevi təbrik edir, ona cansağlığı, işlərində daha böyük uğurlar arzulayırıq.

47 yaşın mübarək, bizim Altay Əliyev!

İbrahim Cəfərov