“Araz-Naxçıvan”ın məşqçisi “Real”ın akademiyasında olub

“Araz-Naxçıvan”ın U-19 komandasının məşqçisi Ruslan Əmircanov Madrid “Real”ının akademiyasında olub.

Futbolxeber.az saytının məlumatına görə, bu barədə o, sosial şəbəkə hesabında paylaşım edib.

"Real" akademiyasının qonağı oldum. Mənim üçün çox möhtəşəm təcrübə idi. U-14 və U-11 komandalarının məşq prosesini izlədim. Uşaqların məşqə yanaşma tərzləri, düşüncələri, məşq zamanı verdikləri tez qərarlar və ən əsası, yaşlarının az olmasına baxmayaraq, tamamilə peşəkar olmalarının şahidi oldum. Bizim akademiyalarda da bacarıqlı uşaqlar var. Hamımız bir olub, hər birimiz öz işimizlə ciddi şəkildə məşğul olsaq, futbolumuz da qabağa gedər. Sadəcə olaraq, bunu doğrudan da istəmək lazımdır”, – deyə Əmircanov əlavə edib.

O, səfər zamanı Braziliya millisinin və “Real Madrid” komandasının əfsanələrindən sayılan Marselo ilə görüşüb.