“Qarabağ” Antalyada “Fulhem”lə qarşılaşacaq

Türkiyənin Antalya şəhərində keçiriləcək "Junior World Cup" turnirində iştirak edəcək "Qarabağ"ın U-15 komandası bir gündə 3 oyuna çıxacaq.

Futbolxeber.az saytının məlumatına görə, bu barədə Ağdam təmsilçisinin mətbuat xidməti açıqlama yayıb.

Rauf Əliyevin yetirmələri B qrupunda yer alacaq. Aprelin 17-də "Titanic Football Center"də keçiriləcək qrup mərhələsində komanda 3 matça çıxacaq. “Qarabağ” saat 9:00-da “Fulhem”, 14:00-da “Qaziemir Gündoğan”, 18:00-da isə “Muratlı Yıldızspor”la görüşəcək.

Yarışda "Qarabağ"la yanaşı, daha bir neçə məşhur klub kubok uğrunda mübarizəyə qoşulacaq. Onların arasında “Ştutqart” (Almaniya), “Rayo Valyekano” (İspaniya), “Srvena Zvezda” (Serbiya), “Lex” (Polşa), “Aspire Akademi” (Qətər) və “Dinamo” (Tbilisi, Gürcüstan) yer alıb.

"Qarabağ" səfərə 18 futbolçu ilə yollanacaq. Baş məşqçi Rauf Əliyevin rəhbərlik etdiyi komandada Cəfər Rəhmanov, Oktay Mehrəliyev, Yüzarsif Mehdiyev, Vaqif Nəbiyev, Roman Fərzəli, Arda Əzizli, İbrahim Sadıqlı, Davud Abdullayev, Xalid Hüseynov, Əhəd Hacızadə, Murad İsmayılov, Ömər Fətəliyev, Məhəmməd Məmmədov, Cavidan Əlizadə, Daniil Rəcəbov, Yunis İsmayılov, Samir Həsənov və Tunar Əsgərzadə yer alacaq.

Qeyd edək ki, "Junior World Cup"da 24 komanda mübarizə aparacaq.