“Neftçi” “Zirə” önünə 4 itki ilə çıxacaq

“Neftçi” Azərbaycan Premyer Liqasının 30-cu turunda qarşılaşacağı “Zirə” ilə oyunun hazırlığını başa vurub.

Futbolxeber.az saytının məlumatına görə, komanda üzvləri bu gün “Neftçi” Futbol Mərkəzində oyunöncəsi son məşqi yerinə yetiriblər.

Futbolçular - Emin Mahmudov, Emil Səfərov, Robert Bauer və Ryonosuke Ohori zədə səbəbindən zirəlilərlə görüşü buraxacaqlar.

Qeyd edək ki, aprelin 13-də “Neftçi Arena”da keçiriləcək “Neftçi” - “Zirə” oyunu saat 19:15-də başlanacaq.