Əfqan Talıbov: "Hər şey maddi durumumuzdan asılıdır"

“Səfərdə oynamağımız komandaya mənfi təsir edir. Komanda azarkeş dəstəyindən də məhrum olur". Futbolxeber.az-ın məlumatına görə, bu sözləri AZAL-la oyundan sonra "Turan"ın baş məşqçisi Əfqan Talıbov deyib.

Talıbov bildirib ki, komandası Tovuza qayıtdıqdan sonra daha yaxşı oynayacaq: "Heyətdə çoxlu gənc futbolçularımız var. Gələcəkdə onlara üstünlük verməyə çalışacağıq. Budaq Nəsirov bu gün özünü yaxşı tərəfdən göstərdi. AZAL yaxşı komandadır, pressinqlə oynayır. Heyətində təcrübəli futbolçular var. AZAL-ın qol imkanları bizdən çox oldu. Biz isə yaratdığımız dörd imkandan heç birini reallaşdıra bimədik. Kamal Bayramov zədəli olmasına baxmayaraq çox top çıxardı. Salif Ballo təhlükəli hücumçu olsa da, tək oynamağa çətinlik çəkir, təcrübəsi çatmır. Hər şey maddi durumumuzdan asılıdır, sponsor axtarışındayıq. Stadionumuz düzəldikdən sonra doğma meydanda əsl “Turan” kimi oynayacağıq”.