Elvin Məmmədov: “Çempionatın ən ağır komandasına qarşı oynayırdıq”

“Çempionatın ən təcrübəli məşqçisinə və ən ağır komandasına qarşı oynayırdıq. Durumun fərrqindəydik. Uşaqlar maksimumu etdilər. Onları təbrik edirəm. Matça üç xal üçün çıxmışdıq. "Turan Tovuz"a qarşı oynamaq asan deyil. Onlar çox möhkəm komandadır. Standart vəziyyətlərdə ideal şeylər edirlər. Üç xal istəyirdik. Uduzmadıqsa, gözəldir”.

Futbolxeber.az saytının məlumatına görə, bu sözləri "Səbail"in baş məşqçisi Elvin Məmmədov Azərbaycan Premyer Liqasının 29-cu turunda “Turan Tovuz”a qarşı keçirilən oyundan (0:0) sonra deyib.

Daha sonra o, mətbuat konfransında jurnalistlərin suallarını cavablandırıb:

- Bu nəticəni qələbəyə bərabər sayırsınız?

- Bu gün hər qazanılan bizim üçün nəticədir. Komandanı bu durumdan çıxarmaq üçün öz yolumuzdan əl çəkməyəcəyik.

- Süleyman Alluşla bağlı son qərarı nə dərəcədə doğru qəbul edirsiniz?

- İstəyərdik ki, bağışlanılsın. O, bizim futbolçumuzdur. Səhvinin fərqindədir.

- Komandaya yeni oyunçuların qoşulması gözlənilmir?

- Zədəlilərimiz var. Əlimizdə olan futbolçuların hər birinə güvənirik.