Millimizin baş məşqçisi: “Bu təzyiqə hazır idik və bizim də öz cavablarımız oldu”

"Xorvatiya millisi Avropanın güclü komandalarından biridir. Çətin görüş olacağını bilirdik”.

Futbolxeber.az saytının məlumatına görə, bu sözləri 19 yaşadək futzalçılarda ibarət milli komandamızın baş məşqçisi İlqar Aslanov Xorvatiyaya qarşı keçirilən oyundan sonra deyib.

Mütəxəssis azfutzal.az-a açıqlamasında 3:3-lük bərabərliyi belə şərh edib: “İlk oyunda Bosniya və Herseqovinaya məğlubiyyət də sanki uşaqları ayıltmışdı. Çünki dünənki görüşdən fərqli olaraq bu dəfə rəqibdən çəkinmədilər. Hətta hesabı onlar açsa da, ardıcıl qollar vurmağımız uşaqları daha da həvəsləndirdi, özünəinamı artırdı”.

O, komandasının xorvatlarla matçda əzmkarlıq göstərdiyini vurğulayıb: “Rəqibi də yaxşı öyrənmişdik. Bilirdik ki, ilk saniyələrdən pressinq edəcəklər. Bu təzyiqə hazır idik və bizim də öz cavablarımız oldu. Qazanılan xala görə komandamı təbrik edirəm. Bu, U-19-un tarixində əsas mərhələdə qazanılan ilk xaldır. Oyunlar çox keçirdikcə, uşaqlarda inam artacaq, təcrübədə qazanacağıq, nəticələrimiz də yaxşı olacaq”.