“Neftçi”nin hücumçusu: “Belaruslu futbolçulara hansısa kömək lazım olsa, edəcəm”

“Neftçi”nin hücumçusu Yeqor Boqomolski bu gün keçiriləcək Azərbaycan - Belarus yoldaşlıq oyunu ilə bağlı AFFA-nın mətbuat xidmətinə müsahibə verib.

Futbolxeber.az saytının məlumatına görə, o, Azərbaycan və Belarus milli komandaları arasında yoldaşlıq görüşünün keçiriləcəyi barədə məlumatı eşidəndə sevindiyini bildirib:

“Çünki hər iki komandada çoxlu tanışlarım var. Həmin oyunu izləmək maraqlı olacaq. Yığmada kifayət qədər təcrübəli futbolçular var. Əlbəttə ki, onlara hansısa kömək lazım olsa, bunu edəcəyəm”.

24 yaşlı forvard bir hücumçu olaraq Azərbaycan millisində ən çox çəkindiyini müdafiəçilərin adlarını açıqlayıb: “Elvin Cəfərquliyev və Bəhlul Mustafazadəni xüsusi vurğulamaq istərdim”.

O, Azərbaycan millisinin üstün və zəif cəhətlərindən də söz açıb: “Sizin texniki cəhətdən yaxşı futbolçulardan qurulmuş kifayət qədər güclü milliniz var”.